UK,12 April,2024,(Sada Channel News):- ਯੂਨਾਈਟਿਡ ਕਿੰਗਡਮ (ਯੂ.ਕੇ.) (United Kingdom (UK)) ਨੇ ਫ਼ੈਮਿਲੀ ਵੀਜ਼ਾ ਤਹਿਤ ਕਿਸੇ ਨੂੰ ਸਪਾਂਸਰ ਕਰਨ ਲਈ ਆਮਦਨ ਦੀ ਹੱਦ 18,600 ਪੌਂਡ ਤੋਂ ਵਧਾ ਕੇ 29,000 ਪੌਂਡ (30 ਲੱਖ ਰੁਪਏ) ਕਰ ਦਿੱਤੀ ਹੈ,55٪ ਤੋਂ ਵੱਧ ਦਾ ਇਹ ਵਾਧਾ ਦੇਸ਼ ਅੰਦਰ ਪ੍ਰਵਾਸੀਆਂ ਦੀ ਵਧਦੀ ਆਮਦ ਨੂੰ ਰੋਕਣ ਲਈ ਪ੍ਰਧਾਨ ਮੰਤਰੀ ਅਤੇ ਗ੍ਰਹਿ ਮੰਤਰੀ ਦੀ ਰਣਨੀਤੀ ਦੇ ਆਖਰੀ ਕਦਮ ਵਜੋਂ ਦੇਖਿਆ ਜਾ ਰਿਹਾ ਹੈ,ਕਿ ਨਵੇਂ ਆਉਣ ਵਾਲੇ ਵਿਅਕਤੀ ਦੇਸ਼ ਦੇ ਟੈਕਸਦਾਤਾਵਾਂ ‘ਤੇ ਵਿੱਤੀ ਦਬਾਅ ਨਾ ਪਾਉਣ,ਇਹੀ ਨਹੀਂ 2025 ਦੀ ਸ਼ੁਰੂਆਤ ਤੱਕ,ਘੱਟ ਤੋਂ ਘੱਟ ਆਮਦਨ ਦੀ ਜ਼ਰੂਰਤ ਨੂੰ ਵਧਾ ਕੇ 38,700 ਪਾਊਂਡ ਤਕ ਕਰ ਦਿਤਾ ਜਾਵੇਗਾ,ਜੋ ਸਕਿੱਲਡ ਵਰਕਰ ਵੀਜ਼ਾ (Skilled Worker Visa) ਲਈ ਨਵੀਂ ਆਮਦਨ ਹੱਦ ਅਨੁਸਾਰ ਹੋਵੇਗਾ,ਹੁਨਰਮੰਦ ਵਰਕਰ ਵੀਜ਼ਾ (Skilled Worker Visa) ’ਤੇ ਆਉਣ ਵਾਲਿਆਂ ਲਈ ਘੱਟੋ-ਘੱਟ ਤਨਖਾਹ 26,200 ਪਾਊਂਡ (Pound) ਤੋਂ ਵਧਾ ਕੇ 38,700 ਪਾਊਂਡ ਕਰਨਾ।
ਗ੍ਰਹਿ ਮੰਤਰੀ, ਜੇਮਜ਼ ਕਲੇਵਰਲੀ ਨੇ ਆਮਦਨੀ ਵਿੱਚ ਵਾਧੇ ਦੀ ਵਕਾਲਤ ਕਰਦਿਆਂ ਕਿਹਾ, ‘‘ਅਸੀਂ ਵੱਡੇ ਪੱਧਰ ‘ਤੇ ਪ੍ਰਵਾਸ ਦੇ ਨਾਲ ਇੱਕ ਸਿਖਰ ‘ਤੇ ਪਹੁੰਚ ਗਏ ਹਾਂ,ਅਜਿਹਾ ਕੋਈ ਸਧਾਰਣ ਹੱਲ ਜਾਂ ਆਸਾਨ ਫੈਸਲਾ ਨਹੀਂ ਹੈ ਜੋ ਪ੍ਰਵਾਸੀਆਂ ਦੀ ਗਿਣਤੀ ਨੂੰ ਬ੍ਰਿਟਿਸ਼ ਲੋਕਾਂ ਨੂੰ ਮਨਜ਼ੂਰਯੋਗ ਪੱਧਰਾਂ ਤੱਕ ਘਟਾ ਦਿੰਦਾ ਹੈ,ਗ੍ਰਹਿ ਸਕੱਤਰ ਨੇ ਮਈ 2023 ਵਿੱਚ ਸਖ਼ਤ ਵਿਦਿਆਰਥੀ ਵੀਜ਼ਾ ਨਿਯਮਾਂ ਦੀ ਸ਼ੁਰੂਆਤ ਤੋਂ ਬਾਅਦ ਇਮੀਗ੍ਰੇਸ਼ਨ ਪ੍ਰਣਾਲੀ (Immigration System) ਦੇ ਐਲਾਨ ਦੇ ਕੁਝ ਹਫ਼ਤਿਆਂ ਬਾਅਦ ਹੀ ਇਮੀਗ੍ਰੇਸ਼ਨ ਪ੍ਰਣਾਲੀ (Immigration System) ਲਈ ਆਪਣੀ ਵਿਆਪਕ ਸੁਧਾਰ ਯੋਜਨਾ ਨੂੰ ਲਾਗੂ ਕਰਕੇ ਆਪਣਾ ਟੀਚਾ ਪ੍ਰਾਪਤ ਕਰ ਲਿਆ ਹੈ।
ਇਸ ਦਾ ਮਤਲਬ ਹੈ ਕਿ ਪਿਛਲੇ ਸਾਲ ਬ੍ਰਿਟੇਨ (Britain) ਪਹੁੰਚੇ ਲਗਭਗ 300,000 ਵਿਅਕਤੀ ਹੁਣ ਅਪਣੇ ਪ੍ਰਵਾਰਕ ਜੀਆਂ ਨੂੰ ਅਪਣੇ ਕੋਲ ਸੱਦਣ ਤੋਂ ਅਯੋਗ ਹੋਣਗੇ,ਪ੍ਰਵਾਸੀਆਂ ਦੀ ਯੂ.ਕੇ. (UK) ’ਚ ਆਮਦ ਨੂੰ ਘੱਟ ਕਰਨ ਲਈ ਲਾਗੂ ਕੀਤੇ ਗਏ ਹੋਰ ਉਪਾਵਾਂ ’ਚ ਸ਼ਾਮਲ ਹਨ:-
ਲਗਭਗ ਸਾਰੇ ਵਿਦਿਆਰਥੀ ਨਿਰਭਰਾਂ ਨੂੰ ਯੂ.ਕੇ. (UK) ਵਿੱਚ ਦਾਖਲ ਹੋਣ ਤੋਂ ਖ਼ਤਮ ਕਰਨਾ,ਦੇਖਭਾਲ ਮੁਲਾਜ਼ਮਾਂ ਨੂੰ ਅਪਣੇ ਪਰਿਵਾਰਕ ਮੈਂਬਰਾਂ ਅਪਣੇ ਕੋਲ ਲਿਆਉਣ ਤੋਂ ਰੋਕਣਾ,ਪ੍ਰਵਾਸੀ ਕਾਮਿਆਂ ਨੂੰ ਸਪਾਂਸਰ ਕਰਦੇ ਸਮੇਂ ਕੇਅਰ ਪ੍ਰੋਵਾਈਡਰਸ ਨੂੰ ਕੇਅਰ ਕੁਆਲਿਟੀ ਕਮਿਸ਼ਨ (Care Quality Commission) ਕੋਲ ਰਜਿਸਟਰ ਕਰਨਾ ਲਾਜ਼ਮੀ ਕਰਨਾ,ਮਾਈਗ੍ਰੇਸ਼ਨ ਐਡਵਾਈਜ਼ਰੀ ਕਮੇਟੀ (ਐਮ.ਏ.ਸੀ.) (Migration Advisory Committee (MAC)) ਨੂੰ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਲਈ ਗ੍ਰੈਜੂਏਟ ਰੂਟ ਦਾ ਤੇਜ਼ੀ ਨਾਲ ਮੁਲਾਂਕਣ ਕਰਨ ਦਾ ਕੰਮ ਸੌਂਪਿਆ ਗਿਆ ਹੈ ਤਾਂ ਜੋ ਇਸ ਦੀ ਦੁਰਵਰਤੋਂ ਨੂੰ ਰੋਕਿਆ ਜਾ ਸਕੇ, ਯੂ.ਕੇ. (UK) ਦੀ ਉੱਚ ਸਿੱਖਿਆ ਦੀ ਗੁਣਵੱਤਾ ਨੂੰ ਕਾਇਮ ਰੱਖਿਆ ਜਾ ਸਕੇ,ਅਤੇ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਇਹ ਯੂ.ਕੇ. (UK) ਦੇ ਸਰਵੋਤਮ ਹਿੱਤਾਂ ਦੀ ਪੂਰਤੀ ਕਰਦਾ ਹੈ।
