CHANDIGARH,(SADA CHANNEL NEWS):- ਪੰਜਾਬ ਵਿੱਚ ਕਰੋਨਾ ਦੇ ਐਕਟਿਵ ਕੇਸਾਂ (Active Cases) ਦੀ ਗਿਣਤੀ ਵਿੱਚ ਕਮੀ ਆਈ ਹੈ,ਦੂਜੇ ਪਾਸੇ ਸੂਬੇ ‘ਚ 24 ਘੰਟਿਆਂ ‘ਚ 2 ਲੋਕਾਂ ਦੀ ਮੌਤ ਹੋ ਗਈ ਹੈ,ਪਿਛਲੇ 24 ਘੰਟਿਆਂ ਵਿੱਚ ਸਿਹਤ ਵਿਭਾਗ ਨੇ ਸੂਬੇ ਭਰ ਵਿੱਚੋਂ 7341 ਸੈਂਪਲ ਲਏ ਹਨ,ਇਕੱਤਰ ਕੀਤੇ ਸੈਂਪਲ ਵਿੱਚੋਂ 6777 ਸੈਂਪਲਾਂ ਦੀ ਜਾਂਚ ਕੀਤੀ ਗਈ,ਇਨ੍ਹਾਂ ਵਿੱਚੋਂ 320 ਦਾ ਨਤੀਜਾ ਸਕਾਰਾਤਮਕ ਆਇਆ ਹੈ।ਸੂਬੇ ਵਿੱਚ ਮਾਨਸਾ ਅਤੇ ਤਰਨਤਾਰਨ ਵਿੱਚ ਦੋ ਮਰੀਜ਼ਾਂ ਦੀ ਕੋਰੋਨਾ ਕਾਰਨ ਮੌਤ ਹੋ ਚੁੱਕੀ ਹੈ,ਦੋਵੇਂ ਸ਼ੂਗਰ ਸਮੇਤ ਹੋਰ ਬਿਮਾਰੀਆਂ ਤੋਂ ਵੀ ਪੀੜਤ ਸਨ,ਇਸ ਸਮੇਂ ਸੂਬੇ ‘ਚ 40 ਮਰੀਜ਼ ਆਕਸੀਜਨ ਸਪੋਰਟ ‘ਤੇ ਹਨ,ਜਿਨ੍ਹਾਂ ਦੀ ਹਾਲਤ ਠੀਕ ਨਹੀਂ ਹੈ,ਇਨ੍ਹਾਂ ਵਿੱਚੋਂ 39 ਲੈਵਲ-2 ਦੇ ਮਰੀਜ਼ ਹਨ, ਜਦਕਿ ਇੱਕ ਲੈਵਲ-3 ਦਾ ਮਰੀਜ਼ ਹੈ,ਜਿਨ੍ਹਾਂ ਦੀ ਹਾਲਤ ਕਰੋਨਾ ਕਾਰਨ ਖ਼ਰਾਬ ਹੈ।
ਪੰਜਾਬ ‘ਚ ਰਾਹਤ ਦੀ ਖ਼ਬਰ ਹੈ ਕਿ ਕੋਰੋਨਾ ਪਾਜ਼ੇਟਿਵ ਮਰੀਜ਼ਾਂ ਦੀ ਸਿਹਤ ‘ਚ ਜਲਦੀ ਸੁਧਾਰ ਹੋ ਰਿਹਾ ਹੈ,ਸੂਬੇ ਦੇ ਵੱਖ-ਵੱਖ ਸਰਕਾਰੀ ਅਤੇ ਪ੍ਰਾਈਵੇਟ ਹਸਪਤਾਲਾਂ ਤੋਂ 401 ਮਰੀਜ਼ਾਂ ਨੂੰ ਛੁੱਟੀ ਦੇ ਕੇ ਠੀਕ ਹੋਣ ਉਪਰੰਤ ਘਰ ਭੇਜ ਦਿੱਤਾ ਗਿਆ ਹੈ,ਸੂਬੇ ਵਿੱਚ ਐਕਟਿਵ ਕੇਸਾਂ (Active Cases) ਦੇ ਅੰਕੜਿਆਂ ਦਾ ਗ੍ਰਾਫ ਵੀ ਹੇਠਾਂ ਡਿੱਗਿਆ ਹੈ।ਸੂਬੇ ਵਿੱਚ ਐਕਟਿਵ ਕੇਸਾਂ ਦੀ ਗਿਣਤੀ 2101 ਤੋਂ ਘੱਟ ਕੇ 1863 ਤੱਕ ਆ ਗਈ ਹੈ,ਮੋਹਾਲੀ ‘ਚ ਕੋਰੋਨਾ ਪਾਜ਼ੀਟਿਵ ਦੇ ਮਾਮਲੇ ਅੱਧ ਵਿਚਾਲੇ ਘਟਣ ਤੋਂ ਬਾਅਦ ਫਿਰ ਤੋਂ ਵਧਣੇ ਸ਼ੁਰੂ ਹੋ ਗਏ ਹਨ,ਮੁਹਾਲੀ ਵਿੱਚ 450 ਸੈਂਪਲ ਜਾਂਚ ਲਈ ਭੇਜੇ ਗਏ ਸਨ,ਇਨ੍ਹਾਂ ਵਿੱਚੋਂ 40 ਨਮੂਨਿਆਂ ਦਾ ਨਤੀਜਾ ਪਾਜ਼ੇਟਿਵ ਆਇਆ ਹੈ,ਜਿੱਥੇ ਪਿਛਲੇ ਦਿਨੀਂ ਲੁਧਿਆਣਾ ਵਿੱਚ ਕਰੋਨਾ ਪਾਜ਼ੇਟਿਵ ਕੇਸਾਂ (Corona Positive Cases) ਵਿੱਚ ਵਾਧਾ ਹੋਇਆ ਸੀ,ਉੱਥੇ ਹੀ ਹੁਣ ਸਥਿਤੀ ਹੌਲੀ-ਹੌਲੀ ਕਾਬੂ ਵਿੱਚ ਆ ਰਹੀ ਹੈ,1199 ਸੈਂਪਲਾਂ ਵਿੱਚੋਂ 26 ਦੇ ਨਤੀਜੇ ਪਾਜ਼ੇਟਿਵ ਆਏ ਹਨ।