Tarn Taran, (Sada Channel News):- ਪੰਜਾਬ ਦੇ ਤਰਨਤਾਰਨ (Tarn Taran) ਜ਼ਿਲ੍ਹੇ ਨੂੰ ਦਹਿਲਾਉਣ ਦੀ ਵੱਡੀ ਸਾਜ਼ਿਸ਼ ਰਚੀ ਗਈ ਹੈ,ਤਰਨਤਾਰਨ ‘ਚ ਕੁਝ ਅਣਪਛਾਤੇ ਬਦਮਾਸ਼ਾਂ ਨੇ ਪੁਲਿਸ ਸਟੇਸ਼ਨ (Police Station) ਨੂੰ ਉਡਾਉਣ ਦੀ ਕੋਸ਼ਿਸ਼ ਕੀਤੀ,ਜ਼ਿਲ੍ਹੇ ਦੇ ਅੰਮ੍ਰਿਤਸਰ-ਬਠਿੰਡਾ ਹਾਈਵੇਅ (Amritsar-Bathinda Highway) ‘ਤੇ ਸਥਿਤ ਸਰਹਾਲੀ ਥਾਣੇ ‘ਤੇ ਸ਼ਨੀਵਾਰ ਤੜਕੇ ਰਾਕੇਟ ਲਾਂਚਰ (Rocket Launcher) ਨਾਲ ਹਮਲਾ ਕੀਤਾ ਗਿਆ,ਰਾਤ ਨੂੰ ਕੁਝ ਬਦਮਾਸ਼ਾਂ ਨੇ ਇਹ ਹਮਲਾ ਕੀਤਾ,ਜਦੋਂ ਰਾਕੇਟ ਨੇ ਥਾਣੇ ‘ਤੇ ਹਮਲਾ ਕੀਤਾ ਤਾਂ ਉੱਥੇ ਕੋਈ ਮੌਜੂਦ ਨਹੀਂ ਸੀ,ਇਸੇ ਕਾਰਨ ਇਸ ਘਟਨਾ ਵਿੱਚ ਕਿਸੇ ਨੂੰ ਕੋਈ ਨੁਕਸਾਨ ਨਹੀਂ ਪਹੁੰਚਿਆ,ਹਾਲਾਂਕਿ ਹਮਲੇ ਕਾਰਨ ਥਾਣੇ ਦੀ ਇਮਾਰਤ ਬੁਰੀ ਤਰ੍ਹਾਂ ਨੁਕਸਾਨੀ ਗਈ ਹੈ।
ਜਾਣਕਾਰੀ ਮੁਤਾਬਕ ਰਾਕੇਟ ਥਾਣੇ ਦੇ ਬਾਹਰੋਂ ਅੰਦਰ ਸੁੱਟਿਆ ਗਿਆ,ਰਾਕੇਟ ਹਮਲੇ ਕਾਰਨ ਖਿੜਕੀਆਂ ਦੇ ਸ਼ੀਸ਼ੇ ਚਕਨਾਚੂਰ ਹੋ ਗਏ ਪਰ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ,ਤਰਨਤਾਰਨ ਪੁਲਿਸ (Tarn Taran Police) ਨੇ ਹਮਲੇ ਦੀ ਪੁਸ਼ਟੀ ਕਰਦਿਆਂ ਦੱਸਿਆ ਕਿ ਇਹ ਹਮਲਾ ਅੱਧੀ ਰਾਤ ਨੂੰ ਕਰੀਬ 1 ਵਜੇ ਹੋਇਆ,ਰਾਕੇਟ ਗੇਟ ਨਾਲ ਟਕਰਾ ਗਿਆ,ਜਿਸ ਕਾਰਨ ਇਮਾਰਤ ਨੂੰ ਮਾਮੂਲੀ ਨੁਕਸਾਨ ਹੋਇਆ,ਇਹ ਹਮਲਾ ਤਰਨਤਾਰਨ ਦੇ ਸਾਂਝ ਕੇਂਦਰ (ਸਰਹਾਲੀ ਥਾਣਾ) ਦੀ ਇਮਾਰਤ ‘ਤੇ ਹੋਇਆ,ਜੋ ਲੋਕਾਂ ਦੀਆਂ ਸਹੂਲਤਾਂ ਲਈ ਬਣਾਈ ਗਈ ਸੀ,ਸਾਂਝ ਕੇਂਦਰ ਵਿੱਚ ਦੇਰ ਰਾਤ ਤੱਕ ਕੋਈ ਸਟਾਫ਼ ਮੌਜੂਦ ਨਹੀਂ ਸੀ,ਇਸ ਕਾਰਨ ਇਸ ਹਮਲੇ ਦਾ ਜ਼ਿਆਦਾ ਅਸਰ ਨਹੀਂ ਹੋਇਆ,ਜੇ ਇਹ ਹਮਲਾ ਦਿਨ ਵੇਲੇ ਹੋਇਆ ਹੁੰਦਾ ਤਾਂ ਜਾਨੀ ਨੁਕਸਾਨ ਦੇ ਨਾਲ-ਨਾਲ ਭਾਰੀ ਨੁਕਸਾਨ ਹੋਣ ਦਾ ਖਤਰਾ ਬਣ ਸਕਦਾ ਸੀ।
ਇਸ ਹਮਲੇ ਪਿੱਛੇ ਸਿੱਧੇ ਤੌਰ ‘ਤੇ ਖਾਲਿਸਤਾਨ (Khalistan) ਪੱਖੀ ਅੱਤਵਾਦੀਆਂ ਦਾ ਹੱਥ ਮੰਨਿਆ ਜਾ ਰਿਹਾ ਹੈ,ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਪਾਕਿਸਤਾਨ ਦੀ ਖੁਫੀਆ ਏਜੰਸੀ ISI ਦੇ ਇਸ਼ਾਰੇ ‘ਤੇ ਖਾਲਿਸਤਾਨ (Khalistan) ਪੱਖੀ ਅੱਤਵਾਦੀਆਂ ਨੇ ਪੰਜਾਬ ‘ਚ ਸਰਗਰਮ ਆਪਣੇ ਸਲੀਪਰ ਸੈੱਲਾਂ ਰਾਹੀਂ ਇਸ ਘਟਨਾ ਨੂੰ ਅੰਜਾਮ ਦਿੱਤਾ ਹੈ,ਇਹ ਹਮਲਾ ਅੱਤਵਾਦੀ ਹਰਵਿੰਦਰ ਸਿੰਘ ਉਰਫ ਰਿੰਦਾ (Harvinder Singh Alias Rinda) ਦੇ ਜੱਦੀ ਪਿੰਡ ‘ਚ ਕੀਤਾ ਗਿਆ ਹੈ,ਕੁਝ ਦਿਨ ਪਹਿਲਾਂ ਰਿੰਦਾ ਦੀ ਮੌਤ ਦੀ ਜਾਣਕਾਰੀ ਸਾਹਮਣੇ ਆਈ ਸੀ।
ਹਾਲਾਂਕਿ ਬਾਅਦ ‘ਚ ਇਸ ਖਬਰ ਨੂੰ ਸੋਸ਼ਲ ਮੀਡੀਆ ਪੋਸਟ (Social Media Post) ਰਾਹੀਂ ਰੱਦ ਕਰ ਦਿੱਤਾ ਗਿਆ ਅਤੇ ਕਿਹਾ ਗਿਆ ਕਿ ਰਿੰਦਾ ਜ਼ਿੰਦਾ ਹੈ,ਮੰਨਿਆ ਜਾ ਰਿਹਾ ਹੈ ਕਿ ਪਾਕਿਸਤਾਨ ਦੀ ਖੁਫੀਆ ਏਜੰਸੀ ਆਈਐਸਆਈ ਰਿੰਦਾ (Intelligence Agency ISI Rinda) ਨੂੰ ਜਿਊਂਦਾ ਰੱਖਣਾ ਚਾਹੁੰਦੀ ਹੈ,ਇਸੇ ਕਾਰਨ ਇਹ ਹਮਲਾ ਰਿੰਦਾ ਦੇ ਜੱਦੀ ਪਿੰਡ ‘ਚ ਕੀਤਾ ਗਿਆ,ਜਿਸ ਕਰਕੇ ਲੋਕ ਉਸ ਨੂੰ ਅੱਜ ਵੀ ਜਿਊਂਦਾ ਸਮਝਣ,ਰਿੰਦਾ ਜਿਊਂਦਾ ਹੈ ਜਾਂ ਨਹੀਂ,ਇਸ ਗੱਲ ਦੀ ਅਜੇ ਪੁਸ਼ਟੀ ਨਹੀਂ ਹੋਈ ਹੈ।
